当前位置:YY比分 - 足球资讯 - 专家拆局 - 西甲:全胜之师周中快车迎伊巴 巴塞大开杀戒
西甲:全胜之师周中快车迎伊巴 巴塞大开杀戒 发表时间2017-9-19
今晚西甲快车有「1哥」巴塞隆拿于鲁营球场迎战伊巴,巴塞开咧4战全胜只失1球,走出缺少尼马嘅阴霾,上仗联赛主场更以5球狂数同市死敌爱斯宾奴,对住实力麻麻嘅伊巴肯定杀无赦,中位数3.5球照捧1.62倍大盘!

西甲经过4轮后,巴塞成唯一全胜之师,于榜首领先次席西维尔2分,球王美斯今季依然系「关键先生」,一如以往保持超班嘅表现,至今为巴塞入左7球,包括喺欧联面对祖云达斯时梅开二度,上场作客斗基达菲佢自己虽然冇波入,但都传左球靓绝直线,助攻畀今季新加盟嘅荷西保连奴完成绝杀,令球队惊险反胜基达菲全取3分,主将绿叶都咁弗,睇怕巴塞个连胜势头可维持一段时间。

乾贵士斗「地上最强」醒神

伊巴上轮取得今季主场首胜,多得日本球员乾贵士助攻畀队友加奥维斯顶入致胜球。呢位日本国脚过往面对巴塞偶有佳作,上次对碰就两度射穿巴塞门将达史特根十指关,加上上轮有同胞柴崎岳成为今季首位射破巴塞大门嘅球员,似乎呢班日本「足球小将」对亲「地上最强」都特别落力,话唔定乾贵士呢场又会有惊喜演出,两队对攻预演入球骚,3.5球大盘咪走宝。