当前位置:YY比分 - 足球资讯 - 专家拆局 - 英联盃:水晶宫颓爆益晒哈特斯
英联盃:水晶宫颓爆益晒哈特斯发表时间2017-9-19
另一场英联盃嘅英超内讧,由「老鹰」水晶宫主场硬撼哈特斯菲尔德。水晶宫成为英超史上首支头5仗联赛全败兼冇波入球队,曳到冇朋友,护级大过天,边有閒情应付盃赛,仲要让波离晒谱,梗系拣番哈特斯菲尔德让球客胜。

包尾大幡冇馀力争盃

虽然水晶宫上周搵左前英格兰国家队主帅鹤臣,代替改革派嘅法兰迪保亚执教,呢位老帅仲暗寸迪保亚,话以水晶宫嘅人脚,夹硬要踢全能足球盏搞,点知佢老人家接手后首仗联赛,喺主场以0比1不敌修咸顿,令「老鹰」成为英超史上首支头5仗联赛全败兼冇波入球队,认真羞家,依家鹤臣都唔够胆笑人,一来水晶宫排紧包尾,二来嚟紧3仗联赛连撼曼市双雄及车路士,非常恶啃,护级形势水深火热,仲边有馀力争盃赛呢。

相反,哈特斯菲尔德今季升上英超后表现唔错,头5仗联赛只系输过1场咁大把,包括首轮作客大胜今仗对手水晶宫3比0,心理上略为佔优,况且「老鹰」快翼韦费特沙夏仲未好番,影响唔细,哈特斯菲尔德仲有得受让咁笋,让球客胜咪错过。