当前位置:YY比分 - 足球资讯 - 专家拆局 - 英联盃:狐狸明恰红军B队
英联盃:狐狸明恰红军B队 发表时间2017-9-19
冇得踢欧洲赛 鸡肋都照杀

英格兰联赛盃第3圈今晚展开,呢一圈焦点肯定系李斯特城主场对利物浦嘅「英超对决」。作客嘅「红军」近期状态麻麻,而且今季佢的重返欧联,对呢个「鸡肋」盃赛嘅重视程度肯定大减,预计会派出大量后备出战。「狐狸」近2季主场都轻取利物浦,今仗有望赢波晋级,捧主W!

利物浦上季英联盃杀到入4强,最终两回合输畀修咸顿无缘决赛,不过今季情况好唔同,「红军」重返欧联后压力大增,争英联盃冠军意欲大减,除左王牌前锋沙迪奥文尼继续停赛外,穆罕默德沙拿、罗拔图法明奴、安利简恩、史杜列治、占士米拿等主将都好大机会休战,改用大量新人上阵。

利物浦用新丁门神把关

事实上,利物浦领队高普可用球员唔多,新加盟嘅阿历士张伯伦有主首度正选披甲,配合苏兰基、活特本、马高古积等新人,据报亦会起用3号门将丹尼禾特把关,呢班球员潜质系有,但系经验欠奉,今仗作客李斯特城好大机会要「交学费」。

主队李斯特城开季成绩差劲,不过佢的3场败仗系输畀阿仙奴、曼联同车路士,算系情有可原,而且佢的同利物浦相反,今季唔使兼顾欧洲赛之下,可以喺联赛盃畀多啲力。唔好忘记,李斯特城近2季主场对利物浦都赢晒,今仗迎战「红军B队」再赢唔难。