当前位置:YY比分 - 足球资讯 - 专家拆局 - 英超:SUPER SUNDAY打到嚟 云格带厂攻城
英超:SUPER SUNDAY打到嚟 云格带厂攻城发表时间2017-11-5
今晚英超嚟个「Super Sunday」,叫得呢个名梗系唔简单,先嚟「1哥」曼城主场斗阿仙奴;压轴好戏车路士喺史丹福桥大战曼联,两场波绝对影响今季争标形势,单睇4大名帅点部署谂计杀敌,已经值回票价!

今晚英超Super Sunday第1击,将会由喺联赛榜放头嘅曼城,主场迎战阿仙奴。曼城今季各项赛事已经16场不败,领队哥迪奥拿嘅控球打法步入收成期,表现极具冠军相,但「蓝月亮」上仗喺欧联作客要同意甲劲旅拿玻里搏到尽,相反阿仙奴上仗欧霸领队云格继续轮换,畀一众主力抖到够,曼城体力肯定输蚀,况且「兵工厂」近10次同曼城交手9次不败,绝对可趁机偷鸡,受让一球嘅2.65倍让球客胜咁好分头咪走宝!

曼城开季至今喺英超10战攞左28分,上一队能够做到呢项佳绩嘅,正系6年前嘅曼城,当年佢的亦顺利封王,依家成为夺冠大热有晒根据。曼城今场除长期伤兵班捷文文迪同高柏尼继续倦勤外,阵容尚算完整,但岩岩喺欧联远征意大利同拿玻里恶斗完,体力损耗点都较大,可能成今场隐忧。

近10次对赛阿仙奴只1败

曼城今季「遇神杀神」,但其实都唔系冇弱点,爱华顿同英冠嘅狼队就先后喺英超同联赛盃作客90分钟内逼和过曼城,后者更搞到曼城领队哥迪奥拿「发晒老脾」,话个波太轻影响球队发挥喎。无论如何,呢两场波绝对值得阿仙奴参考,再加上「兵工厂」近10次对「蓝月亮」只输过1场,不败率惊人,今场更有后卫哥拉辛拿斯伤愈复出担正,阿仙奴今场抢到分唔系妄想,让球客胜有好分头,绝对值得一试。