当前位置:YY比分 - 足球资讯 - 专家拆局 - 世杯附:4雄生死斗!
世杯附:4雄生死斗! 发表时间2017-11-15
决赛周最后两席

历时超过两年半嘅2018年世盃外围赛,踢埋听朝正式落幕,经过今日凌晨爱尔兰对丹麦嘅欧洲区附加赛后,决赛周32支球队已经诞生30支,最后两张入场劵将由澳洲对洪都拉斯、及秘鲁斗新西兰嘅洲际附加赛决出,咁跷两场首回合都系0比0,令次回合成为名副其实生死战,边两队能赶上俄罗斯嘅尾班车?大家拭目以待!

附加赛经验赢晒

澳洲主场爆洪都拉斯

澳洲今午喺附加赛次回合返主场再斗洪都拉斯,「袋鼠兵团」作为洲际附加赛嘅「常客」,呢啲生死时刻早已见惯见熟,加上佢的喺地头作赛已经21场不败,主场咁旺,冇理由唔捧1.53倍主胜!

先讲吓历史,2001年韩日世盃外洲际附加赛,首回合主场带住1比0优势嘅澳洲,次回合作客淨吞对手乌拉圭3蛋,惨遭淘汰;4年后德国世盃外围赛,澳洲卷土重来,再次同乌拉圭喺洲际附加赛相逢,不过今次「袋鼠军团」同对手搏到尽,最终澳洲喺主场凭互射12码胜出打入决赛周,相信唔少球迷都记得艾莱斯最后射入致胜球,带领澳洲历史性首闯决赛周嘅一刻。

卡希尔复出添士气

某种意义上,洲际附加赛成就左澳洲足球嘅掘起,虽然当年奋战嘅大部分球员都已退役,不过卡希尔依然屹立不倒,呢位「袋鼠拳王」前仗替澳洲梅开二度淘汰敍利亚,事隔多年再打入洲际附加赛,卡希尔亦伤愈候命,有佢在阵澳洲信心自然爆棚,有望再次喺主场球迷面前赢波出线。

对手洪都拉斯赛前大玩心理战,诈型话澳洲出动无人机刺探军情,摆明系心虚表现,皆因球队多位主力有伤缺阵,包括主力门将艾斯哥巴同前锋艾迪靴南迪斯,呢场仲要作客,体力上肯定输蚀,面对主场强势嘅澳洲毫无优势可言,捧主胜属明智之选