当前位置:YY比分 - 足球资讯 - 专家拆局 - Yennie:曼城阿仙奴3.5倍和味浓
Yennie:曼城阿仙奴3.5倍和味浓发表时间2016-12-18

 

圣诞快车首站唔输得

今晚英超焦点大战一定系「蓝月亮」主场迎战「三哥」阿仙奴,双方喺积分榜只有1分差距,实力接近。而且,曼城上仗赢波,结束两连败嘅劣势,重返胜轨;阿仙奴上轮输波,终止连续14场联赛不败走势,今仗一定大踢争气波,搏尽抢分。两队均战意十足,相信会以和為贵,3.5倍和局系明智之选。

阿仙奴今季成绩理想,除左开锣首战主场输畀利物浦之外,随后就连续14场联赛不败,当中有10场都系赢波全取3分。不过球队上轮联赛作客,竟以1比2被完场前踢少1人嘅爱华顿反胜,亦系兵工厂今季英超第2场败仗,争霸之路唔多唔少都有啲影响,皆因未计周六晚比赛,阿仙奴已被车路士以6分优势甩开。

曼城残阵靠球迷打气

输波失分梗系难受喇,但班球员未有闷闷不乐,赛后第二日仲约埋一齐去李斯特广场欣赏歌舞剧添!门将施治都表现得好乐观,话已经将专注力转移到今仗硬撼曼城嘅大战呀!而领队云格就话,已经下令球员今场要当决赛咁踢,因為圣诞快车期间嘅成绩,绝对系主宰球队今季联赛嘅争标形势。阿仙奴17日踢4场比赛,而今仗更系4场当中最难应付嘅一场,相信球队一定会团结,合力大踢争气波。

另边厢,主队曼城上轮以2比0击败屈福特,终结束两连败低潮,重返胜轨。不过,坏消息就系喺完上半场前,深得领队哥迪奥拿器重嘅中场根度简右膝受伤出场,要抖成6个月以上呀!球队防中人手不足,主力费兰甸奴又坐紧波监,得番费兰度法兰斯高同埋耶耶托尼。好在今场喺曼城主场出击,相信喺主场球迷嘅打气声之下,有望拎到1分,和局有3.5倍好分头值得一博。