当前位置:YY比分 - 足球资讯 - 专家拆局 - 法达斯维:般茅主场龙明恰圣人
法达斯维:般茅主场龙明恰圣人发表时间2016-12-18

 

今晚英超早场,般尼茅夫主场硬撼「圣人」修咸顿。般茅今季踢出蔗渣价钱、烧鹅味道,尤其喺主场屡有佳作,连利物浦都要喺呢度摆低3分,近7仗联赛主场赢5仗弗到震,遇上客场脚软嘅「圣人」,食住个势有力再下一城,仲有得受让咁笋,必捧让球主胜。

4:3反胜利物浦最经典

般茅虽然大部分球员皆名不见经传,但上季亦能护级成功,今季再借得或买入韦舒亚、佐敦伊比及尼敦阿基,呢班喺豪门沦為鸡肋嘅球员,嚟到般茅全部翻生。好似近年伤多过踢嘅「玻璃脚」韦舒亚,喺人才济济嘅阿仙奴早已冇碇企,惜才嘅主帅云格就将佢借去以地面进攻為主嘅般茅,果然一拍即合,呢位英格兰国脚喺中场瞻前顾后,成為转守為攻嘅重要枢纽,上月更当选球队最佳球员,睇嚟般茅系失意军人嘅翻生地。

查实般茅主场出击特别sharp醒,近7仗联赛主场录得5胜1和仅1负,代表作系迎战利物浦一度落后1比3之下,竟未有放弃奋力狂追,最终反胜4比3,另一失意兵尼敦阿基更喺完场前撞入致胜士哥,而李斯特城及热刺造访此地亦1输1和,可见般茅系主场一条龙。相反,修咸顿唔单止喺欧霸分组赛踢到最后一轮饮恨出局,佢的一离开主场即唔识踢波,近7仗作客录得1胜2和4负,令人失望,中场重心奥里奥尔罗美奥今仗仲要坐波监,面对主场坚劲嘅般茅难言恶,边有本钱让波呢?一於捧让球主胜。