当前位置:YY比分 - 足球资讯 - 賽前分析 - 史卓加斯特球迷High爆迎冠軍
史卓加斯特球迷High爆迎冠軍发表时间2013-11-3

今日將會係43年嚟挪威南部城市德拉曼最重要嘅一日,因為呢個城市嘅球隊史卓加斯特,將會作客特林素,進行尾二一輪挪超賽事,如果史卓加斯特贏波,就差唔多肯定贏得球會43年來首個挪超錦標,全市上下都屏息以待呢一刻來臨。

現時史卓加斯特領先洛辛堡三分,由於得失球大幅領先洛辛堡,所以佢哋只要贏波已經差唔多肯定贏得挪超冠軍,除咗有400名球迷會陪球隊作客特林素之外,球迷會亦喺市內一個大廣場搞睇波騷,準備一齊見證史卓加斯特贏得挪超冠軍,市內慶祝氣氛濃厚,史卓加斯特亦表明唔會專登等下輪主場先贏波攞冠軍,今場必定拚盡,球隊上下戰意極濃,小讓平半抵玩。(周一凌晨1時開賽)